Radio Kalabria- Me ju dhe vetem per ju

Shkarkoni audio fajllin per te degjuar radio kalabrine

Posts by Category

Mustafa paralajmëron ndryshime brenda kabinetit qeveritar

Mustafa paralajmëron ndryshime më të mëdha brenda kabinetit qeveritar

Kryeministri Isa Mustafa ka paralajmëruar një riformatizim të kabinetit qeveritar sot gjatë ditës kur është mbajtur mbledhja e 77’të e Qeverisë së Kosovës. Përveç plotësimit të posteve të lëna bosh pas largimit të Hashim Thaçit në Presidencë, Kabineti mund të pësojë edhe ndryshime tjera me qëllim të “rifreskimit” të punës së ekzekutivit./G/E

Thaçi viziton familjet e “Tonit” dhe “Micit” në Rahovec

Presidenti i zgjedhur i Kosovës, Hashim Thaçi, në kuadër të vizitave nëpër komunat e Kosovës pas zgjedhjes president, sot ka vizituar Komunën e Rahovecit.

Thaçi, përveç takimit me vreshtarët dhe grupe tjera, ai ka vizituar edhe familjarët e heronjve të Kosovës, Xhelal Hajda – Toni dhe Selajdin Mullabazi – Mici, transmeton Koha.net.

Sipas tij, qytetarët rahovecianë që ai ka takuar janë plot shpresë e besim për Kosovën e re.

“Kënaqësi të jesh në Rahovec, në qytetin e qëndresës, heroizmit dhe punës. Vizitova familjet e heronjve të Kosovës, Xhelal Hajda – Tonit dhe Selajdin Mullabazi – Micit. Takova vreshtarë, mësues, mjekë e studentë. Njerëzit janë plot shpresë dhe besim për Kosovën e re, të zhvilluar dhe pjesë e familjes euro-atlantike. Më pritën edhe prijësit shpirtërorë të komunitetit të teqeve të sheh Besimit dhe sheh Mehdiut”, ka shkruar Thaçi.

Ka dështuar zgjedhja e rektorit të Universitetit të Prishtinës

rektorati pr

Ka dështuar zgjedhja e rektorit të Universitetit të Prishtinës “Hasan Prishtina” edhe ne rivotimin e tretë.

Asnjeri nga dy kandidatët e rivotuar Lul Raka dhe Naser Sahiti nuk kanë marrë votat e duhura, njoftojnë mediat.

Seanca plenare më 10 mars

Prishtinë,04.03.2016

Kryesia e Kuvendit të Kosovës në mbledhjen e sotme ka caktuar që seanca e radhës të mbahet më 10 mars, raporton Koha Ditore.

“Më 10 mars në ora dhjetë do të kemi seancë parlamentare në të cilën do të jenë 18 pika të rendit të ditës. Në të njëjtën kohë ju paralajmëroj që do të kemi edhe një tjetër seancë, tri ose katër ditë pas seancës së 10 marsit”, ka thënë Veseli.

Ai ka thënë se prioritet i Kosovës është integrimi në Bashkimin Evropian.

“Prioritet nacional i Kosovës është integrimi në Bashkimin Evropian, kjo vendimmarrje veçanërisht kjo e sodit bëhet në përmbushjen e kritereve teknike që kanë të bëjnë drejtpërdrejtë me liberalizimin e vizave. Ligjin e Prokurimit publik e kemi aprovuar po e kemi edhe kompletimin e Bordit të OShP-së, kjo është arsyeja pse na duhet që shumë shpejt t’i mbajmë edhe dy seanca”, ka thënë Veseli.

Ja si dukej Leonora Jakupi fëmijë

Megjithë ardhjet e shumë femrave të reja në skenën muzikore shqiptare, Leonora Jakupi vazhdon të mbajë primatin si njëra nga më të bukurat.

E bukur dhe simpatike këngëtarja ishte që fëmijë, kjo shihet në një fotografi të vjetër nga fëmijëria e saj, transmeton Telegrafi.

Leonora ditën e djeshme festoi ditëlindjen e saj të 37, duke zgjedhur Turqinë si destinacion ku ka udhëtuar me miqtë e saj për të festuar.

Ndryshe në aspektin muzikor ajo sapo ka publikuar projektin e saj më të ri në bashkëpunim me reperin Gold Ag, i cili u mirëprit mjaft mirë nga publiku.

Drenicasja zhvishet për Kanye West

Kreatorja e modës, e cila zhvillon karrierën në SHBA dhe Kanada, ka publikuar disa fotografi seksi në rrjetet sociale.

Hafia Mira, e cila ditë më parë u takua edhe me Kanye West, në llogarinë personale të Instagramit publikoi disa fotografi teksa shihet një femër e zhveshur.

Drenicasja ka pohuar se këtë imazh e ka bërë për reperin dhe të dashurin e Kim Kardashian, Kanye West, transmeton Telegrafi.

“Bëhu fleksibile. E fortë dhe energjike. E egër, por serenë. Une për kane West”, ka shkruar ndër të tjerash Hafia në Instagram.