Radio Kalabria- Me ju dhe vetem per ju

Shkarkoni audio fajllin per te degjuar radio kalabrine

Posts by Category

Eurostat: Mbi 66 mijë azilkërkues nga Kosova në BE, renditet e 4-ta

66.885 është numri i shtetasve kosovarëve që kanë kërkuar azil në vendet e Bashkimit Evropian gjatë vitit 2015. Informacioni që vjen nga raporti më i fundit i Eurostat, bën me dije se 5% e emigrantëve në vitin që lamë pas kanë ardhur nga vendi ynë.

Eurostat në informacionet e publikuara, Kosovën e njeh me fusnotë, duke e vendosur pas Sirisë, Afganistanit dhe Irakut. Kurse, Shqipëria renditet në vendin e pestë me 65.935 shtetas shqiptarë që kanë kërkuar azil në vendet e Bashkimit Evropian gjatë vitit 2015, transmeton kp.

Në dokument paraqitet gjithashtu edhe destinacioni i më i kërkuar nga shqiptarët që është Gjermania, vend në të cilin ka pasur 53.805 kërkesa për azil. Ndërkohë, raportohet se në vitin 2015, ka pasur një rekord sa i përket numrit total të kërkesave për azil, teksa shifrat i kanë kaluar 1.2 milionë persona.

Eurostat ka publikuar raportin më të fundit për azil-kërkuesit, në të cilin bëhet me dije se në total, 65.935 shtetas shqiptarë kanë aplikuar për azil në vendet e Bashkimit Europian. Sipas dokumentit, destinacioni më i kërkuar nga shqiptarët ka qenë pikërisht Gjermania, në të cilin janë depozituar gjithsej 53.805 aplikime.

Në terma të përgjithshëm, Eurostat njofton se në vitin që lamë, mbi 1.2 milionë emigrantë kanë udhëtuar drejt vendeve të BE-së me shpresën e qëndrimit të përhershëm. Kjo shifër është dy herë më lartë se ajo e regjistruar në vitin 2014.

Largimet më masive kanë qenë nga Siria ndikuar edhe nga lufta civile që vijon prej pesë vitesh. Qytetarët sirianë kryesojnë listën me 362.775 kërkesa për azil.

Nuk mbeten prapa as dy vendet e tjera të lindjes së mesme, që janë Afganistani dhe Iraku, me respektivisht 178.230 si dhe 141.535 kërkesa. Vendi që ka pritur më shumë refugjatë ka qenë Gjermania, e cila në vitin që lamë pas ka strehuar 441.800 azil-kërkues

Basha: Jasharët treguan se çfarë çmimi ka liria për shqiptarin

Kryetari i PD, Lulzim Basha ka përkujtuar përmes një statusi në Facebook komandantin legjendar të UÇK-së, Adem Jashari.

“18 vjet më parë, Jasharët i treguan botës mbarë se çfarë çmimi ka liria për shqiptarin. Beteja epike e familjes Jashari me në krye komandantin legjendar të Ushtrisë Çlirimtare të Kosovës, Adem Jashari vuri gjakun e tyre të kulluar arbëror në themelet e Kosovës së lirë e të pavarur!”, shprehet Basha.

Duke i uruar “lavdi të pavdekshme” komandantit të UÇK-së, Basha i ka shprehur “nderim përjetë familjes Jashari dhe bijve e bijave të shqipes që dhanë jetën për liri!”.

Mustafa: Komuna e Prilluzhës, sajesë për destabilizim të vendit

Kryeministri i vendit, Isa Mustafa ka thënë se po e shfrytëzon edhe këtë ditë të madhe, heroizmit të familjes Jasharaj, që të garanton se ajo çfarë po thuhet dhe po shkruhet për kinse themelimin e Komunës së Prilluzhës, sipas tij, është një sajesë e radhës për të destabilizuar vendin.

“Askush nuk është duke biseduar dhe në asnjë procedurë nuk është themelimi i Komunës së Prilluzhës, siç po trumbetohet në disa media dhe nga disa individ. Ne kemi nevojë ta ndërtojmë dhe zhvillojmë këtë shtet, e jo që çdo ditë të sajojmë nga një rast të ri për të shqetësuar qytetarët dhe për ta destabilizuar vendin”, ka shkruar Mustafa, transmeton Koha.net.

Ai më tej ka shkruar edhe për demarkacionin me Malin e Zi, për të cilin ka thënë se do të sqarohet pikë për pikë e kufirit, dhe nëse del që është gabim do të kërkohet përgjegjësi, kurse në të kundërtën, sipas Mustafës, duhet të përgjigjen ata që e thanë të pavërtetën. Ai siguron që nuk do të humbë asnjë metër territor i vendit.

“Do të sqarohet pikë për pikë kufiri me Malin e Zi. Sqarimi do të bëhet në mënyrë profesionale dhe në harmoni me vijën kufitare që më 31 dhjetor të vitit 1988 e ka pasur Kosova, atëherë si krahinë, me Malin e Zi, si republikë. Nëse del se është bërë gabim, do të kërkohet përgjegjësi. Por nëse vërtetohet se çdo gjë është e saktë dhe se kufiri është aty ku ka qenë, atëherë duhet të përgjigjen ata që e than të pavërtetën. I garantoj qytetarët tanë se asnjë metër e territorit të Kosovës nuk do t’i epet Malit të Zi dhe as që ka interesim të Malit të Zi të merr tokë nga Kosova”, ka shkruar më tej Mustafa.

Kryeministri gjithashtu si temë të fundit që ka trajtuar në këtë postim sot pasdite në llogarinë e tij në Facebook, ka qenë edhe Asociacioni i Komunave me shumicë serbe, për të cilin thotë që do të veprohet ashtu siç ka interpretuar Gjykata Kushteuese marrëveshjen, duke shtuar se fton akterët politikë të pushtojnë së sajuari raste për destabilizim të vendit.

“Për Asociacionin e Komunave me Shumicë Serbe do të veprohet ashtu siç Gjykata Kushtetuese e ka interpretuar marrëveshjen. Ftoj të gjithë akterët politik të pushojmë të sajojmë raste për të destabilizuar vendin. Koha është të mendojmë mbarë dhe të ndihmojmë që ky vend të merr drejtimin e duhur. Vetëm kështu i respektojmë ata që u flijuan për Kosovën”, ka përfunduar Mustafa.

Kosovarët mund të udhëtojnë në Saint Kitts dhe Nevis pa viza

Në një ceremoni rasti të organizuar në Konsullatën e Përgjithshme të Republikës së Kosovës në Nju Jork, është nënshkruar mbrëmë marrëveshja për vendosjen e marrëdhënieve diplomatike, si dhe marrëveshja për lëvizje pa viza në mes të Republikës së Kosovës dhe Federatës së Saint Kitts and Nevis.

Sipas një komunikate të Ministrisë së Punëve të Jashtme, Qeveria e Republikës së Kosovës dhe ajo e Saint Kitts dhe Nevis do të forcojnë marrëdhëniet e miqësisë dhe të bashkëpunimit ndërshtetëror, transmeton kp.

Palët janë pajtuar gjithashtu të vazhdohet tutje me intensifikimin e komunikimit politik dhe mbështetjen reciproke në marrëdhëniet e përgjithshme ndërkombëtare.

“Përfaqësuesi i Përhershëm i Federatës së Saint Kitts and Nevis në Kombet e Bashkuara, Sam Terrence Condor, është zotuar se do të ushtrojë ndikimin e tij dhe të qeverisë së shtetit që ai përfaqëson në procesin e lobimit për njohje të reja nga vendet e Karaibeve, si dhe për anëtarësimin e Kosovës në organizata ndërkombëtare. Marrëveshjet janë nënshkruar nga i Ngarkuari me punë në Konsullatën e Përgjithshme në Nju Jork, Ylber Kreziu, dhe përfaqësuesi i Përhershëm i Federatës së Saint Kitts and Nevis në Kombet e Bashkuara, Ambasadori Sam Terrence Condor”, thuhet në komunikatë.

Pas kësaj marrëveshjeje, arrin në tetëdhjetë numri i shteteve me të cilat, Kosova ka hyrë formalisht në marrëdhënie diplomatike.

Limaj: Flijimi i Jasharajve i hapi rrugë lirisë

Homazhe në Prekaz ka bërë edhe kryetari i Nisma për Kosovën, Fatmir Limaj bashkë me anëtarët e partisë së tij.

Limaj tha se flijimi i komandantit Adem Jashari dhe familjes së tij kanë hapur rrugën e lirisë.

Ai gjithashtu tha se nga 5 marsi i vitit 1998, rrezet e lirisë depërtuan në gjithë territorin e Kosovës.

Porosia e Jahjagës: Hiqni dorë nga inatet, punoni për shtet të së drejtës

Presidentja në largim, Atifete Jahjaga ka deklaruar se sot është dita që simbolizon bashkimin për ta ndërtuar shtetin, pa e sfiduar demokracinë e brishtë të Kosovës.

Jahjaga në manifestimin për nderë të Epopesë së UÇK-së, ka thënë se të gjithë qytetarët e Kosovës përkulen para atyre burrave dhe grave që e deshën lirinë.

“Sot është dita që simbolizon bashkimin, ku duhet më shumë respekt e dashuri, pa e sfiduar demokracinë e brishtë të saj. Sot është dita që duhet hequr dorë nga inatet për të punuar për një shtet të së drejtës. Sot është koha për Kosovën, e cila është një realitet i pa kthyer dhe është koha që FSK të kthehet në Forcë të Armatosur”, ka thënë ajo.

18 vjet nga vrasja e Jasharajve, sot nis Epopeja

jashari-kulla

Sulmin e gjerë që e kishte ndërmarrë Serbia në Drenicë për të zhdukur Ushtrinë Çlirimtare të Kosovës e koncentroi në Prekaz, në zemrën dhe kokën e UÇK-së duke i bërë asaj një rrethim të hekurt.

Ajo që do të ndodhë në fillimet e marsit të vitit 1998 do të jetë një dëshmi e gjallë për botën e qytetëruar dhe përgjegjësit e saj politik e diplomatik. Në të vërtetë kjo ngjarje kaq e drejtpërdrejtë dhe kaq e fuqishme për nga përmasat e saj të flijimit unikat, të qëndresës e të masakrimit do ta ngrejë çështjen e Kosovës në krye të agjendës botërore. Kështu, në natën e 4 e 5 marsit të vitit 1998, Prekazi rrethohet nga forcat e shumta ushtarake dhe policore. Kjo lë të kuptohet se atje do të ketë rrethim të hekurt.

Pikërisht më 5 mars bëhen 18 vjet të rënies së komandantit legjendar, Adem Jasharit, familjes së tij dhe Jasharëve të tjerë. Mirëpo, çdo përvjetor Adem Jasharin e bënë më të lavdishëm në historinë e kombit tonë.

Me aktin e rënies së komandantit legjendar Adem Jasharit dhe familjes së tij dhe Jasharëve të tjerë Kosova mundi frikën me çka i hapi shtigjet e lirisë dhe të ardhmërisë. Dhe jo rastësisht, në Prekaz,në Lagjen e Jasharëve është ngritur monumenti më i madh i luftës për liri,për pavarësi e demokraci,që këdo ditë dhe data, e pikërisht 5,6,7 mars për çdo vit vëmendja e të gjithë kombit shqiptar kthehet nga Prekazi Legjendar,që shekuj e vite i dha Kosovës shumë. Siç dihet familja Jashari,pos komandantit legjendar Adem Jasharit ranë për të mos vdekur kurrë edhe 20 anëtar tjerë të familjes Jashari, përcjell Kosovapress.

Me rastin e 18-vjetorit të Epopesë së UÇK-së dhe rënies së komandantit Adem Jashari, sot nën patronatin e Qeverisë së Kosovës mbahet Manifestim në FSK për të nderuar luftën e UÇK-së.

Në këtë manifestim, që do të mbahet te Kazerma e FSK-së, dhe gjatë rreshtimit të kuadrateve të FSK-së, do të marrë pjesë dhe kryeministri Isa Mustafa.

Ndërkaq, presidenti në ardhje i Kosovës, Hashim Thaçi, do të bëj homazhe te varrezat e familjes Jashari në Prekaz.

Nuk dihet nëse Thaçi do të pritet nga familja Jashari për vizitë./Koha.net

 

Mustafa paralajmëron ndryshime brenda kabinetit qeveritar

Mustafa paralajmëron ndryshime më të mëdha brenda kabinetit qeveritar

Kryeministri Isa Mustafa ka paralajmëruar një riformatizim të kabinetit qeveritar sot gjatë ditës kur është mbajtur mbledhja e 77’të e Qeverisë së Kosovës. Përveç plotësimit të posteve të lëna bosh pas largimit të Hashim Thaçit në Presidencë, Kabineti mund të pësojë edhe ndryshime tjera me qëllim të “rifreskimit” të punës së ekzekutivit./G/E

Thaçi viziton familjet e “Tonit” dhe “Micit” në Rahovec

Presidenti i zgjedhur i Kosovës, Hashim Thaçi, në kuadër të vizitave nëpër komunat e Kosovës pas zgjedhjes president, sot ka vizituar Komunën e Rahovecit.

Thaçi, përveç takimit me vreshtarët dhe grupe tjera, ai ka vizituar edhe familjarët e heronjve të Kosovës, Xhelal Hajda – Toni dhe Selajdin Mullabazi – Mici, transmeton Koha.net.

Sipas tij, qytetarët rahovecianë që ai ka takuar janë plot shpresë e besim për Kosovën e re.

“Kënaqësi të jesh në Rahovec, në qytetin e qëndresës, heroizmit dhe punës. Vizitova familjet e heronjve të Kosovës, Xhelal Hajda – Tonit dhe Selajdin Mullabazi – Micit. Takova vreshtarë, mësues, mjekë e studentë. Njerëzit janë plot shpresë dhe besim për Kosovën e re, të zhvilluar dhe pjesë e familjes euro-atlantike. Më pritën edhe prijësit shpirtërorë të komunitetit të teqeve të sheh Besimit dhe sheh Mehdiut”, ka shkruar Thaçi.

Ka dështuar zgjedhja e rektorit të Universitetit të Prishtinës

rektorati pr

Ka dështuar zgjedhja e rektorit të Universitetit të Prishtinës “Hasan Prishtina” edhe ne rivotimin e tretë.

Asnjeri nga dy kandidatët e rivotuar Lul Raka dhe Naser Sahiti nuk kanë marrë votat e duhura, njoftojnë mediat.